Vi har hatt fleire observasjonar av denne majestetiske rovfuglen dei dagane vi har vore på garden, men enten har ein blitt ståande i fasinasjon av å sjå på eller så har ein vorte for sein opp med kameraet. Endelig har eg no fått foreviga denne flotte havørna på kamera.
Denne helga vart det kun saga nede i strandsona,men til tross for fleire timer med saging og rydding så gjenstår det ganske så mykje. Må innrømme at vi ser veldig fram til å få litt meir motoriserte utstyr til gards. Når kvelden kjem så kjennast det godt både i armer, bein og rygg at ein har løfta, dratt og arbeidt med naturens tunge vekter. Her trengs det både ATV, vedakløyver og fliskutter for å lette litt meir på utføringa av arbeidet, først best.
No som vi har gått til innkjøp av nytt og bedre utstyr, går det noko raskare med rydding av skog og kratt. Kven treng vel treningsstudio når ein har naturens eige vektstenger til rådigheit. God kondisjonstrening er det og om ein skal prøve å holde følge med å rydde unna etter kvart som mannen fell treda. Noko innslag av balansetrening har det også vore nede i strandsona, blant steina og gamle tre som enten har falt i ein storm eller har leie igjen fra tidlegare felling har vi begge måtta tatt nokren støttesteg inn imellom. Med det rette utstyret så opner terrenget seg raskare og vi ser på med glede kor fint det blir etterkvart som vi får rydda rundt eigendomen vår.
Etter lang tid med søk og leit har vi endeleg fått tak i rette objektet til høvdingskipet på Olsvik Gard. Båten kjem frå historiske Selje og vil med tida verte rigga for segling.
Vi har no fått begynt på arbeidet med fjerning av tre og kratt i i strandsona. Etter to lange dager med saging og bæring kjennes det verkeleg godt i kroppen, men det er kjekt å sjå korleis området ved fjøra opnar seg meir og meir. Vi ser fram til den dagen då skog og krattet er erstatta med eit område for båtliv og andre aktiviteter i sjøkanten. Framleis venter det oss mange arbeidstimar, men eg vil kalle det lystbetonte arbeidstimar.